فوق الحد

ياقلب سقط عرشه باستنزاف
ماتحننوش
القاسي قسوة من ظلم
قلبه مايقدر يوم يحن
الاغتصاب للحق مش طبعه
ولا طبعك
ولكنه ديون بايته
خدوا حبه بقوة زمان
فعاش للان
ومستنظر
يشدوا جذورى من قلبه
ولما بنيت حصون عالية
حوالين بيتى ومشاعرى
ليلاتى كان بيتردد
في ودنه صوتها والجنى
يقوله سيبها لتسيبنى
يقوم لمرايته يواجهها
اسيبها صحيح
حبيبتى حقيقي بتخونى؟
ولوفضلت هنا جنبى
هيجي يوم وهتبيعنى؟
فقام شادد مشاعره وحبه من قلبي
وسابها في كل تفاصيلي وفي ملامحى
بقيت شكله
وحتى طبعي بقي طبعه
فلو ينسانى او يبعد
سايبنى2 في روح واحدة
ودلوقتى بيغلب طبعه جوايا
طباع عندى
فبيع ناسي
وادوس علي قلوب حبيتنى وباخلاص
واستناه يعود تانى
فشوفه ف يوم
يخيرنى مابين عقدين
نحاسي ف بنى علي دهبي
وعقدغريب طويل واسمر
ويضحكلي ويختارلي
وافكر ليه
حلمت في يوم ميلاده بيه
وايه العقدين
ومن حيرتى سالت امى
قالتلي ياخايبة دول عريسين
فأتفائل
عشان شوفته
واول لما كلمته
حكيتله الحلم م الاول
فردد خير
وايه التفسير
مافكرتش ياقلبي كتير
كفاية افسر النظرة اللي في عيونك
في لون الحلم
وليه الحب جوايا بيتصارع
عشان يحيا
تقاتله وتدفنه عندى
وهو كان حرام يعنى
حلال عندك
تفوتنى لوحدى وتبيعنى
وتظلمنى
بانى احلم سنين عمرى
بلحظة تعيشها روحى معاك
ولو نظرة دفا وامان
وتتلاقي صوابعك تانى بصوابعى
وحلفتك
ونتمسك بخط الحب
ماتسعفناش خطوط العمر
فنفتكر ان في الجنة
هنتخير في ازواجنا
فيوعدنى
ويحلفلي
هيختارنى
اموت عالوعد

ياقلب سقط عرشه باستنزاف
ماتحننوش
القاسي قسوة من ظلم
قلبه مايقدر يوم يحن
الاغتصاب للحق مش طبعه
ولا طبعك
ولكنه ديون بايته
خدوا حبه بقوة زمان
فعاش للنا
فعاش للان
ومستنظر
يشدوا جذورى من قلبه
ولما بنيت حصون عالية
حوالين بيتى ومشاعرى
ليلاتى كان بيتردد
في ودنه صوتها والجنى
يقوله سيبها لتسيبنى
يقوم لمرايته يواجهها
اسيبها صحيح
حبيبتى حقيقي بتخونى؟
ولوفضلت هنا جنبى
هيجي يوم وهتبيعنى؟
فقام شادد مشاعره وحبه من قلبي
وسابها في كل تفاصيلي وفي ملامحى
بقيت شكله
وحتى طبعي بقي طبعه
فلو ينسانى او يبعد
سايبنى2 في روح واحدة
ودلوقتى بيغلب طبعه جوايا
طباع عندى
فابيع ناسي
وادوس علي قلوب حبيتنى وباخلاص
واستناه يعود تانى
فشوفه ف يوم
يخيرنى مابين عقدين
نحاسي ف بنى علي دهبي
وعقدغريب طويل واسمر
ويضحكلي ويختارلي
وافكر ليه
حلمت في يوم ميلاده بيه
وايه العقدين
ومن حيرتى سالت امى
قالتلي ياخايبة دول عريسين
فأتفائل
عشان شوفته
واول لما كلمته
حكيتله الحلم م الاول
فردد خير
وايه التفسير
مافكرتش ياقلبي كتير
كفاية افسر النظرة اللي في عيونك
في لون الحلم
وليه الحب جوايا بيتصارع
عشان يحيا
تقاتله وتدفنه عندى
وهو كان حرام يعنى
حلال عند؟
حلال عندك
تفوتنى لوحدى وتبيعنى
وتظلمنى
بانى احلم سنين عمرى
بلحظة تعيشها روحى معاك
ولو نظرة دفا وامان
وتتلاقي صوابعك تانى بصوابعى
وحلفتك
ونتمسك بخط الحب
ماتسعفناش خطوط العمر
فنفتكر ان في الجنة
هنتخير في ازواجنا
فيوعدنى
ويحلفلي
هيختارنى
اموت عالوعد

ارجعلي

ياورد قطفنى من حضن السما نجمة

ملانى انين

اشد الاه لفوق جدا

تنزلنى سبع اراضين

وبتحدف مابين اغصان

ورودقاسية

واقول هنسي اللي فات كله

الاقي الشوك بيجرح كل احاسيسي

واسال نفسي هتعيشى

وصورته في الحيطان ساكنة

وفي عنيكى وحواليكى

وهو بعيد عن النجمة

ياقصر بنيته فوق رمشي

في غمضة عين وقع منى

بيتكسر علي الاهداب

يدوب رملات

علي الخدين

واجيلك فين

واجيبلك مين

يصالحك عالغرام تانى

ياتنسانى في بكرة الجاى

وتلقانى صباح بعده

بلمعلك

ازاز عربيتك الفضي

تحايلنى

عشان اركب معاك مرة

تلاقي ردى غير ردك

علي الماضي

واصمم كل احلامى

مع المستقبل الدهبي

في ضي عنيك

والبسلك

بلوزة مخططة الوان

قلم ابيض..قلم بنى

قلم احمر بلون الجرح او نزفه

جايبهالي اللي زرع الشوك

في قلب الورد

وتنسج جوه في قلبي حروف

الصفحة البيضا

وتشاور علي رسمة جديده

القمر المدارى في حبك

وعنيا وهى بتبكى عليك

والشجر الساقط عمره

مع الاوهام وياك

ارجعلي

حرام عليك

انت السبب
لاطلعت قلبك من دهب
ولا كنتلي ضهر وسند
بعداللي قلبي شافه منك
كسرت لعبي
فكيت ضفايرى
كبرتنى ولا ميت سنة
وطلعت قلبك داحجر
ماجنيتش منه غير تعب

نصيحة الدنيا

لازم تتجوزى الانسان اللى ينفع تعيشى معاه,
مش اللى متقدريش تعيشى من غيره

تائهة

جثة الشوق تحملها سفينة تائهه

اعماق بحرك بعثرت مرجان فى ضوء الفنار

بمقلتك اشلاء عمرى

لاتمزق اخر الاطراف في

يابن ارضى

ياحبيب الروح ياوعد الوفي

يازهرة الاشراق في باطن شموسي

اقمار عالمك البريء

تضيء سريرتى بالحب

والحلم اصبح كالشظايا

شتتته حيرتك

كسرت فيا المرايا

بعثرت احلامى في ضوء السماء

اضحيت سحبا تندثر

هل رأيت ملامحى ضمن المطر

ذوبان عشقي باختيارك

انا لاأموت وقلبي هاو منكسر

كسرت اخر لعبة كانت بين ايديا
هديت جسورصعب نبنيها سوا
خلصت حلمك
وعرضت اخرمسرحية
وقفت جنبك للتهاية
وفرحتى بانت علي كل العيون
وكان جزائي
اتجرح والجرح يبكي
ياااااقسوتك او ياضعفي