ارجعلي

ياورد قطفنى من حضن السما نجمة

ملانى انين

اشد الاه لفوق جدا

تنزلنى سبع اراضين

وبتحدف مابين اغصان

ورودقاسية

واقول هنسي اللي فات كله

الاقي الشوك بيجرح كل احاسيسي

واسال نفسي هتعيشى

وصورته في الحيطان ساكنة

وفي عنيكى وحواليكى

وهو بعيد عن النجمة

ياقصر بنيته فوق رمشي

في غمضة عين وقع منى

بيتكسر علي الاهداب

يدوب رملات

علي الخدين

واجيلك فين

واجيبلك مين

يصالحك عالغرام تانى

ياتنسانى في بكرة الجاى

وتلقانى صباح بعده

بلمعلك

ازاز عربيتك الفضي

تحايلنى

عشان اركب معاك مرة

تلاقي ردى غير ردك

علي الماضي

واصمم كل احلامى

مع المستقبل الدهبي

في ضي عنيك

والبسلك

بلوزة مخططة الوان

قلم ابيض..قلم بنى

قلم احمر بلون الجرح او نزفه

جايبهالي اللي زرع الشوك

في قلب الورد

وتنسج جوه في قلبي حروف

الصفحة البيضا

وتشاور علي رسمة جديده

القمر المدارى في حبك

وعنيا وهى بتبكى عليك

والشجر الساقط عمره

مع الاوهام وياك

ارجعلي